Մեկնարկեց 2026–2027 ուսումնական տարին
Սեպտեմբերի 1-ին «Փոքրիկ Իշխան» կրթահամալիրում մեկնարկեց 2026–2027 ուսումնական տարին։Կրթահամալիրի բակը կրկին լցվեց երեխաների ձայներով, ջերմ հանդիպումներով և դպրոցական առօրյայի աշխուժությամբ։
Օրը հատկապես հիշարժան էր մեր առաջին դասարանցիների համար։ Նրանք առաջին անգամ մուտք գործեցին կրթահամալիր՝ սկսելով իրենց դպրոցական կյանքի կարևոր ու գեղեցիկ փուլը։ Առջևում նրանց սպասվում են նոր հայտնություններ, բազմաթիվ բացահայտումներ և փոքրիկ ու մեծ ձեռքբերումներ, որոնք ժամանակի ընթացքում կդառնան նրանց դպրոցական տարիների գեղեցիկ հիշողությունների մասը։
Նոր ուսումնական տարում կրթահամալիրի սաներին սպասվում են բազմաբնույթ ուսումնական և ստեղծագործական նախագծեր, նոր նախաձեռնություններ, համագործակցություններ և ծրագրեր, որոնք հնարավորություն կտան ոչ միայն ընդլայնելու գիտելիքները, այլև զարգացնելու ինքնուրույն մտածողությունը, ստեղծագործական մոտեցումն ու նոր գաղափարներ կյանքի կոչելու կարողությունը։
«Փոքրիկ Իշխան» կրթահամալիրում կարևորում ենք այնպիսի կրթական միջավայրի ձևավորումը, որտեղ յուրաքանչյուր երեխա կարևոր է և կարող է բացահայտել իր հետաքրքրություններն ու կարողությունները։Մաղթում ենք մեր սաներին արդյունավետ ու հետաքրքիր ուսումնական տարի, նոր ձեռքբերումներ և հիշարժան դպրոցական օրեր:
Բարի գալուստ 2026–2027 ուսումնական տարի։
