ՏԱՐՐԱԿԱՆ ԴՊՐՈՑ
«Փոքրիկ Իշխան» կրթահամալիրի տարրական դպրոցում ընդունելությունը կատարվում է 6 տարեկանից:
Տարրական դպրոցում ուսուցումը երկկողմանի գործընթաց է, որտեղ դաստիարակությունն ու ուսուցումը փոխլրացնում են միմյանց: Ուսումնական գործընթացը կազմակերպելիս հաշվի են առնվում երեխայի ժառանգական տվյալներն ու ընդունակությունները, նրա մեջ տեղի ունեցող ներքին հոգեկան փոփոխությունները, զարգացման անհատական տեմպն ու առանձնահատկությունները:
Ուսուցումն ուղղված է երեխայի անձի բազմակողմանի ձևավորմանը, որի արդյունքում աշակերտը ոչ միայն յուրացնում է գիտելիքներ, այլև ձևավորում է աշխարհի և շրջապատի մասին ամբողջական ճանաչողություն, ինչպես նաև ձևավորում է սեփական դիրքորոշումներ: Հատուկ ուշադրություն է դարձվում աշակերտի ինքնաարտահայտման և ստեղծագործական կարողությունների զարգացմանը:
Երեխայի օրական ծանրաբեռնվածությունը կազմում է 7-8 ժամ, որի ընթացքում նա ստանում է լիարժեք և հավասարակշռված սնունդ, հանգստի և խաղի հնարավորություններ, ինչպես նաև մասնակցում է հետևյալ ծրագրային դասընթացների և ստուդիաների պարապմունքներին՝
-
Շախմատ
-
Մենթալ թվաբանություն
-
Ռոբոտաշինություն
-
Գիտություն և տրամաբանություն
-
Կավագործություն
-
Նկարչություն
-
Թատերական ստուդիա
-
Ուլունքագործություն
-
Տիկնիկագործություն
-
Երգի թատրոն
-
Համակարգչային գրագիտություն
-
Պար
-
Թաեքվանդո
Երեխայի ուսումնառությունն ընթանում է հոգեբանական ծառայության հսկողության ներքո, որի նպատակն է ապահովել երեխայի հոգեբանական զարգացման ներդաշնակ ընթացքը, օժանդակել առողջ վարքի ձևավորմանը և հոգեկան կայուն զարգացմանը:
